Türkiyə Futbol Federasiyası millini çalışdırmaq üçün "Beşiktaş"ın baş məşqçisi Şenol Günəşlə görüşüb.
Sportarena.az xəbər verir ki, görüş zamanı 51 yaşlı mütəxəssisə "Beşiktaş"da işləməklə yanaşı, millini DÇ-2018-in seçmə mərhələsində 4 oyuna çıxarması təklif olunub. Ancaq bu təklif "Beşiktaş" rəhbərliyi və Günəş tərəfindən müsbət cavablandırılmayıb.
İstanbul klubu rəsmi saytı vasitəsi ilə təklifi rədd etdiklərini bildirib. Qeyd olunub ki, Günəşin hər iki yerdə işləməsi həm milliyə, həm də "Beşiktaş"a faydası olmayacaq.