Dortmund “Borussiya”sının futbolçusu Rafael Qerreyro məhkəmə tərəfindən 90 min avro məbləğində cəza alıb.
Sportarena.az xəbər verir ki, ötən ilin noyabrında avtomobillə qəza törədən portuqaliyalı futbolçu hadisə yerini tərk etmişdi. Bir qadının maşınına 500 avroluq ziyan vuran Qerreyro, avtomobilindən düşüb nə baş verdiyinə baxsa da, sonradan hadisə yerindən uzaqlaşmışdı.
Futbolçunun vəkili 23 yaşlı oyunçunun hərəkətini onun alman dilini bilməməsi, hadisədən sonra həyəcanlanması ilə əsaslandırıb.
Məhkəmə isə Qerreyroya 90 min avro məbləğində cəza kəsib. Cəzaya əsasən, gənc futbolçu 9 fərqli yardım fondunun hər birinə 10 min avro məbləğində pul köçürəcək.