"Qarabağ" Çempionlar Liqasının pley-off mərhələsində "Kopenhagen"lə cavab oyunu öncəsi bu gün son məşqinə çıxacaq.
Sportarena.az xəbər verir ki, komanda Bakı vaxtı ilə saat 21:30-da qarşılaşmanın keçiriləcəyi "Parken" stadionunda məşq edəcək.
Qeyd edək ki, "Kopenhagen” – “Qarabağ” matçı sabah saat 22:45-də (Bakı vaxtı ilə) başlayacaq. Bu komandalar arasında ilk görüşdə Ağdam klubu 1:0 hesabı ilə qalib gəlib.