"Məğlub olmağımız bizi məyus edir. Hazırda komandamız ideal vəziyyətdə deyil. Bu oyun bir ay sonra baş tutsaydı, biz sevinən tərəf olacaqdıq. Yaxşı oynadıq, 6-7 qol imkanı əldə etdik. Rəqibin isə 2 belə imkanı oldu və bu şansdan yaxşı istifadə edərək onlardan birini qola çevirdi".
Sportarena.az xəbər verir ki, bu sözləri "Kopenhagen"in baş məşqçisi Steyl Solbakken deyib. Oyundan sonra baş tutan mətbuat konftansında iştirak edən çalışdırıcı daha sonra bunları bildirib:
"Düşünürəm ki, yaxşı oyun keçirdik. Amma "Qarabağ" göstərdiyi oyunla mərhələ adlamağa layiq idi. Fikrimcə, bizim avrokubok macəralarımız asan olmayıb. İkinci mərhələdə "Jilina" səddində dayana bilərdik. Bundan sonra Avropa Liqasına hazırlaşmalıyıq və bizi orada çətin oyunlar gözləyir. Avropa Liqaısnda bir neçə aparıcı oyunçumuz zədə səbəbindən bizə kömək edə bilməyəcək".