Fransanın PSJ klubu növbəti səs-küylü transferini rəsmiləşdirib.
Sportarena.az xəbər verir ki, Paris təmsilçisi gənc hücumçu Kilian Mbappeni heyətinə cəlb edib. Bu barədə Liqa 1 klubunu rəsmi saytı məlumat yayıb. Son Fransa çempionu "Monako"dan alınan futbolçu yeni klubunda hələlik, icarə əsasında çıxış edəcək.
Belə ki, Paris klubu 18 yaşlı forvardı 30 iyun 2018-ci il tarixinə qədər icarəyə götürüb. Müddət başa çatdıqdan sonra PSJ oyunçunun transfer hüququnu da alacaq. Tərəflər arasında 5 illik müqavilə ilə bağlı razılıq əldə olunub. Parislilər bu transfer üçün "Monako"ya 180 milyon avroya təzminat ödəyəcəklər.