2018-ci ildə Rusiyada təşkil olunacaq dünya çempionatına daha bir vəsiqənin sahibi müəyyənləşib.
Sportarena.az xəbər verir ki, Avropa zonası üzrə seçmə mərhələ oyunlarında səfərdə Yunanıstanla qarşılaşan Belçika 2:1 hesablı qələbə sayəsində mundiala vəsiqəni təmin etdi. 8 turdan sonra xalını 22-yə çatdıran belçikalılar ən yaxın izləyicisi Bosniya və Herseqovina ilə xal fərqini 8-ə çatdırıb. Son iki turda məğlub olsa belə, Belçika H qrupunda liderliyini əldən verməyəcək. Bu üzdən də sözügedən ölkə vaxtından öncə mundiala vəsiqəni təmin edib.
Qeyd edək ki, Belçika Avropa zonası üzrə ilk vəsiqənin sahibi olub. Rusiya mundiala ev sahibi kimi vəsiqə qazanıb.
Belçikadan öncə Braziliya, Meksika, İran və Yaponiya da DÇ-2018-ə vəsiqə əldə etmişdi.