Futzal üzrə Azərbaycan çempionu “Araz”ın UEFA kubokunun əsas mərhələsində mübarizə apardığı 8-ci qrupda bu gün daha bir oyun baş tutub.
Sportarena.az xəbər verir ki, qrup oyunlarını ev sahibliyi edən Rumıniyanın “Deva” klubu Malta çempionu “St Andreus” komandasının sınağa çəkib. Maraqlıdı ki, bu oyunda da qapılara 7 qol vurub. Sonda meydan sahibləri 5:2 hesablı qələbəyə seviniblər.
Qrupun ilk turunun açılış matçında da “Araz” Bosniya və Herseqovinanın “Mostar” komandasının 5:2 hesabıyla məğlub etmişdik. Azərbaycan çempionu növbəti oyununu sabah Bakı vaxtı ilə saat 17:30-da Malta çempionu “St Andreus” komandasına qarşı keçirəcək.