Futbol üzrə Azərbaycan birinci divizionunda 13-cü tura yekun vurulub.
Komanda.az xəbər verir ki, turun ilk oyununda "Sabah" evdə "Şüvəlan"ı 2:1 hesabıyla məğlub edib.
Lider "Qaradağ Lökbatan" "Mil-Muğan"la ev oyununda hesabda geri düşsə də, sonda böyük hesablı qələbə qazanıb - 4:1.
"Ağsu" isə doğma meydanda "Turan Tovuz"la qarşılaşıb. Meydan sahibləri oyunun gedişində hesabda iki dəfə geri düşsə də, sonda qələbə qazanmağa nail olub - 3:2.
Birinci divizion, 13-cü tur
8 dekabr
Qaradağ Lökbatan - Mil-Muğan 4:1
Qol: Elvin Adışirini, 17; 87. Natiq Kərimi, 43. Əliqulu Manafov, 85 - Comərd Baxşəliyev, 7.
Binə - Zaqatala 2:0
Qol: Mənsur Nahəvəndi, 50. Timur Dadaşov, 80.
MOİK - Xəzər 0:1
Qol: Şahin Baleljaee, 89.
Hakimlər: Rəşad Əhmədov, Mübariz Haşımov, İsgəndər Əliyev, Fərid Məmmədov
AFFA nümayəndəsi: Eldar Əlixanov
Hakim-inspektor: Ramiz Əsədov
Bakı. “Bakı”nın təlim-məşq bazasının stadionu
Ağsu - Turan Tovuz 3:2
Qol: Malik Babayev, 14. Arzuman Nəsibov, 72. Qalib Əmrahov, 80 - Ziyabil Məmmədov, 1. Emin Zamanov, 38.
Qırmızı vərəqə: Əlimərdan Əlimərdanlı, 75 (Ağsu)