Dekabrın 23-də Şüvəlan qəsəbəsindəki Ağır Atletika Akademiyasının yarış zalında Milli Qəhrəman Fəxrəddin Şahbazovun xatirəsinə həsr olunmuş ağır atletika üzrə açıq turniri başa çatb.
Sportarena.az xəbər verir ki, Bakı Şəhər Gənclər və İdman Baş İdarəsi və Azərbaycan Ağır Atletika Federasiyasının təşkilatçılığı ilə keçirilən yarışda paytaxt və regionlarda fəaliyyət göstərən idman təşkilatlarından 1997-ci il və daha kiçik təvəllüdlü yeniyetmə və gənc ağır atletlər iştirak ediblər.
Son olaraq 77, 85, 94, 105 və +105 kq çəki dərəcələrində qaliblər müəyyənləşib. Müvafiq olaraq, Alxasov Əlimərdan, Mirzəyev Sənan, Nəzərov Əliş, Bayramlı Ümidvar və Kolayev Asxab qızıl medala sahib çıxıblar.
Turnirin keçirilməsində məqsəd Milli Qəhrəman Fəxrəddin Şahbazovun timsalında vətən uğrunda şəhid olmuş soydaşlarımızın xatirəsinin əziz tutulması, onun həyat yolunun və idman fəaliyyətinin böyüməkdə olan yeni nəsil idmançılar və gənclər arasında təbliğ olunması, yerlərdə ağır atletika idman növünün təbliği və inkişaf etdirilməsi, ən güclü idmançıların aşkar olunması, idmançıların ustalıq səviyyəsinin artırılmasıdır.
Yarışda uğur qazanan bütün atletləri təbrik edirik!
77 kq
| N | Adı | Şəhər | Klub | Çəkisi | Birdən | Təkanla | Toplam |
| 1. | Alxasov Əlimərdan | Lerik | Zirvə | 75.70 | 120 | 147 | 267 |
| 2. | Həsənov Səbuhi | Bakı | Neftçi | 76.00 | 98 | 115 | 213 |
| 3. | Şəmmədov Səbuhi | Goranboy | Zirvə | 72.80 | 95 | 117 | 212 |
| 4. | Babayev Səxavət | Şamaxı | Zirvə | 71.00 | 90 | 117 | 207 |
| 5. | Hüseynov Şəhriyar | Lerik | Zirvə | 69.40 | 87 | 110 | 197 |
| 6. | Yusifov Murad | Goranboy | Zirvə | 72.80 | 75 | 95 | 170 |
85 kq
| N | Adı | Şəhər | Klub | Çəkisi | Birdən | Təkanla | Toplam |
| 1. | Mirzəyev Sənan | Bakı | Spartak | 81.10 | 125 | 145 | 270 |
| 2. | Məmmədli Əli | Lənkəran | Zirvə | 81.40 | 122 | 145 | 267 |
| 3. | Qocayev Həmid | Bakı | Spartak | 79.10 | 115 | 130 | 245 |
| 4. | Quliyev Əli | Goranboy | Zirvə | 77.80 | 93 | 116 | 209 |
94 kq
| N | Adı | Şəhər | Klub | Çəkisi | Birdən | Təkanla | Toplam |
| 1. | Nəzərov Əliş | Bakı | Təhsil | 92.20 | 112 | 120 | 232 |
105 kq
| N | Adı | Şəhər | Klub | Çəkisi | Birdən | Təkanla | Toplam |
| 1. | Bayramlı Ümidvar | Bakı | Təhsil | 97.20 | 124 | 152 | 276 |
+105 kq
| N | Adı | Şəhər | Klub | Çəkisi | Birdən | Təkanla | Toplam |
| 1. | Kalayev Asxab | Bakı | Neftçi | 129.6 | 130 | 156 | 286 |