Millimizin və “Neftçi”nin sabiq futbolçusu Mahir Şükürov “Barselona”nın yeni transferi Filippe Koutinyonun ona bağışladığı formasını nümayiş etdirib.
Sportarena.az xəbər verir ki, o, “Liverpul”dan “Barselona”ya iri məbləğdə transfer olunan braziliyalı futbolçunun 4 il əvvəl ona İtaliyada hədiyyə etdiyi Milan “İnter”inin formasını sosial şəbəkədə paylaşıb və yazıb:
“Azərbaycanda tək dəyişə biləcəyiniz futbolçu ilə köynək dəyişdiniz”.
Xatırladaq ki, Filippe Koutinyolu “İnter” 2012-ci ildə Mahir Şükürovun formasını geyindiyi “Nefçi” ilə Avropa Liqasının eyni qrupunda mübarizə aparıb. Oktyabrın 10-da Tofiq Bəhramov adına Respublika stadionunda keçirilmiş matçda “İnter” 3:1 hesabı ilə qalib gəlib və hesabı açan futbolçu (10-cu dəqiqədə) da məhz Koutinyo olub. Dekabrın 6-da İtaliyada keçirilmiş cavab oyununda isə “İnter” “Neftçi”yə qalib gələ bilməyib - 2:2.
