Gimnastika üzrə qızlardan ibarət ABŞ millisinin sabiq həkimi Larri Nassar 175 il həbs cəzasına məhkum edilib.
Sportarena.az xəbər verir ki, o, 150-dən çox qadını zorlamaqda təqsirli bilinib. Məhkəmədə günahını etiraf edən 54 yaşlı Nassar ömrünün sonuna qədər həbsdə qalmalı olacaq.
Qeyd edək ki, onun əməllərinin üstü Nassarın sevgilisinin rəfiqəsinin qızının polisə şikayət etməsi ilə açılıb. Belə ki, Kyle Stephensin şikayətindən sonra 150-dən çox qadın polisə müraciət edib.
Miçiqan şəhər məhkəməsində 7 gün davam edən prosesdə qadınların ifadəsi dinlənilib. Onlardan bir qismi bildirib ki, Nassar qadınları müayinə etmək adı ilə soyundurub, daha sonra isə çirkin əməlini həyata keçirib.
