Sloveniyanın paytaxtı Lyublyanada keçirilən futzal üzrə Avropa çempionatının final mərhələsində iştirak edən Azərbaycan yığması bu gün qrupda son oyununu keçirib.
Sportarena.az xəbər verir ki, Joze Alesionun yetirmələri qitə birinciliyinin favoritlərindən hesab edilən İspaniya yığması ilə qarşılaşıb. Millimiz qrupda keçirdiyi ilk oyunda Fransa seçməsini məğlub edərək (5:3) 1/4 finala vəsiqəni təmin etmişdi. İspaniya isə ilk matçında fransızlarla “sülh" razı olmuşdu - 4:4. Yığmamız bu oyundan ən azı 1 xalla ayrılsaydı, növbəti mərhələyə qrup birincisi kimi yollanacaqdı. Ancaq bu baş tutmadı. 7 qat Avropa çempionu olan rəqibimiz 1:0 hesabı ilə qələbə qazanaraq növbəti mərhələyə qrup lideri kimi yüksəlib.
Komandamız 1/4 finalda C qrupunun lideri Portuqaliya millisi ilə qarşılaşacaq. İspaniya yığması isə həmin qrupun ikincisi Ukrayna ilə üz-üzə gələcək.
Görüş bu gün Bakı vaxtı ilə saat 23:45-də start götürəcək.
Futzal üzrə Avropa çempionatı, D qrupu
23:45 Azərbaycan - İspaniya 0:1
Qol: Pola, 14
Hakimlər: Vladimir Kadikov (Rusiya), Admir Zahoviç (Sloveniya), Alessandro Malfer (İtaliya)
Sloveniya, Lyublyana, “Stojica Arena”
Azərbaycan: 12. Rövşən Hüseynli (q), 8. Rizvan Fərzəliyev (k), 3. Thaqo Telez “Bolinya”, 6. Eduardo Borqes, 5. Fineo de Araujo.
Ehtiyat oyunçular: 1. Emin Kürdov (q), 2. Samir Həmzəyev, 4. İsa Atayev, 7. Ramiz Çovdarov, 10. Villiams Oliveira Do Nascimento “Vassura”, 13. Everton Kardoso “Qalo”, 14. Vitali Borisov, 11. Xətai Bağırov, 18. Namiq Məmmədkərimov.
Baş məşqçi: Joze Alesio Da Silva.
İspaniya: 1. Pako Sedano (q), 2. Karlos Ortis Ximenez (k), 7. Adrian Alonso Perreyra, 11. Migel Sayaqo Marti, 14. Alexandro Yepes Balsalobre.
Ehtiyat oyunçular: 13. Xesus Errero (q), 3. Mark Tolro Qarsiya, 4. Rafael Qarsiya Aquilera “Bebe”, 5. Adolfo Fernandes Dias, 6. Françisko Xavyer Solano, 8. Anxel Velasko Maruqan “Lin”, 9. Serjio Lozano Martines, 10. Rafa Usin Quisado, 15. Xose A. Fernandes Kastelyano.
Baş məşqçi: Xose Venansio Lopes.