İdman geyimləri istehsal edən dünya şöhrətli ABŞ şirkəti “Nike” futbol üzrə Azərbaycan yığmasının və “Qarabağ”ın hücumçusu Mahir Mədətovla sponsorluq müqaviləsi imzalayıb.
Sportarena.az xəbər verir ki, bu barədə AFFA-nın “Facebook”dakı rəsmi səhifəsi məlumat yayıb. Lakin gənc futbolçu ilə müqavilənin müddəti və digər detalları açıqlanmayıb.
Qeyd edək ki, Mahir Mədətov “Nike”la müqaviləsi olan ilk azərbaycanlı futbolçudu.