Bu gün futbol üzrə Azərbaycan millisi Belarusla yoxlama görüşündə üz-üzə gələcək.
Sportarena.az xəbər verir ki, Bakı Olimpiya Stadionunda qarşılaşacaq komandalar üçüncü dəfə üz-üzə gələcək. Bundan əvvəlki iki görüşdə yoxlama görüşünə təsadüf edib. Sevindirici məqam odu ki, komandamız rəqibinə məğlub olmayıb.
Tərəflər arasında ilk görüş 1996-cı ildə Belarusun Molodeçno şəhərində keçirilib. Həmin oyunda tərəflər 2:2 hesablı heç-heçəyə razılaşıblar. Həmin oyunda millimizin qollarından birinə hazırda komandamızın baş məşqçisi olan Qurban Qurbanov imza atıb.
Belaruslarla növbəti duelimiz 2001-ci ilə təsadüf edib. Bolqarıstanın Varna şəhərində keçirilmiş matç yığmamızın minimal hesablı qələbəsi ilə nəticələnib - 1:0.