İngiltərə Premyer Liqasının 32-ci turunda baş tutan Mançester derbisi məhsuldarlığı ilə yanaşı gərginliyi ilə də yadda qalıb. Diqqət mərkəzinə düşən simalardan biri "Mançester Yunayted"in yarımmüdafiəçisi Ander Errera olub.
Sportarena.az xəbər verir ki, internetdə onun fasilədə paltardəyişmə otağına yollanarkən tunelin qarşısında çəkilmiş "Siti" embleminə tüpürdüyü video ortaya çıxıb. "Şəhərlilər" bunu ispan futbolçunun rəqibə hörmətsizliyi kimi dəyərləndirib. Amma Errera bunu qəsdən etmədiyini bildirib.