Futbol üzrə Ukrayna çempionatında 28-ci turun oyunları keçirilib.
Sportarena.az xəbər verir ki, Azərbaycan yığmasının müdafiəçisi Pavel Paşayevin şərəfini qoruduğu "Aleksandriya" da növbəti matçına çıxıb. Sözügedən klub səfərdə Odessa “Çernomorets”i ilə qarşılaşıb. Futbolçumuzun komandası bu oyundan qələbə ilə ayrılıb - 3:1.
Paşayev bu görüşün iştirakçısı olmayıb. Millimizin futbolçusunun adı qarşılaşmanın iştirak ərizəsinə də daxil edilməyib.
"Aleksandriya" geridə qalan turlarda topladığı 33 xalla elitada qalmaq uğrunda mübarizə aparan ikinci altılıq klubları arasında 1-ci pillədə qərarlaşıb.