Qadın voleybolçulardan ibarət Azərbaycan millisi Qızıl Avropa Liqası üçün aprelin 15-dən başladığı hazırlığı Sloveniyada davam etdirəcək.
Sportarena.az xəbər verir ki, komanda üzvləri Maribora bu gün yollanacaq. Faiq Qarayevin yetirmələri mayın 16-dək Sloveniyada təlim-məşq toplanışında olacaq. Voleybolçularımız hazırlığın gedişində bir neçə yoxlama matçı da keçirməyi planlaşdırır. Bu rəqiblər sırasında Slovakiya, Sloveniya, Avstriya və Xorvatiya kimi komandalar var.
Təlim-məşq toplanışına komandamız aşağıdakı heyətlə yollanacaq:
Toppaylayıcılar: Şəfaqət Alışanova, Yana Əzimova; Blokçular: Aynur İmanova, Ayşən Abduləzimova, Kseniya Pavlenko, Olena Həsənova;
Hücumçular: Odina Bayramova, Yelizaveta Səmədova, Katerina Jidkova, Anastasiya Bessonova, Marqarita Əzizova;
Liberolar: Ceyran İmanova, Bəyaz Əliyeva, Yuliya Kərimova.