Futzal üzrə Azərbaycan kubokunun final oyununun vaxtı məlum olub.
Sportarena.az xəbər verir ki, həlledici görüş mayın 22-də keçiriləcək. Bakı İdman Sarayında keçiriləcək final görüşündə “Marafon Futsal”la “Uğur” FK üz-üzə gələcək. Oyunun start fiti saat 15:00-da səslənəcək.
Ölkə kubokunun yarımfinalında “Uğur” “Yasamal-2”-ni 15:0, “Marafon Futsal” isə “Hell Energy”ni 11:0 hesabı ilə məğlub edib.
Oyun “CBC Sport” telekanalında canlı yayımlanacaq. Qarşılaşma başa çatdıqdan sonra komandalara mükafatlar təqdim ediləcək.