“Qəbələ”nin vitse-prezidenti Fariz Nəcəfov Azərbaycan Kubokunun finalında “Keşlə” yə 0:1 hesabı ilə uduzduqları görüşdən sonra azarkeşlərin etirazı barədə danışıb
Sportarena.az xəbər verir ki. o. fanatların istəklərini normal qarşıladığını bildirib:
“Azarkeşə kubok lazım idi ki, onu da əldə edə bilmədik. Onların narazılıqlarını normal qəbul edirəm”.
Klub rəsmisi bildirib ki, komandanın gələcək strategiyasında dəyişiklik baş verməyəcək:
“Bizim strategiyalarımız əvvəlcədən müəyyənləşdirilmişdi. Ona görə bu oyunun gələcək planlarımıza bir dəxli olmayacaq”.
Nəcəfov baş məşqçi Roman Qriqorçuk haqqında danışarkən onun gedəcəyini də təsdiqləyib:
"Qriqorçuk haqqında sabah qərar verəcəyik, amma özü gedəcəyini deyibsə, deməli gedəcək”.