Portuqaliya millisinin lideri Kriştiano Ronaldo tarixə düşüb.
Sportarena.az xəbər verir ki, 33 yaşlı forvard DÇ-2018-in İspaniya ilə matçında qol vuraraq adını tarixə yazdırıb.
Belə ki, penaltidən vurduğu qolla hesabı açan Ronaldo üst-üstə 8 böyük turnirdə fərqlənən ilk oyunçu olub. Kriştiano AÇ-2004, DÇ-2006, AÇ-2008, DÇ-2010, AÇ-2012, DÇ-2014, AÇ-2016-dan sonra DÇ-2018-də də ən azı bir dəfə rəqib qapıçını məyus edə bilib.
Üstəlik, ardıcıl 4 dünya çempoionatında da qol vuran Ronaldo (DÇ-2006, DÇ-2010, DÇ-2014) tarixdə bunu bacaran 4-cü oyunçu olub. Daha əvvəl Uve Zeeler, Pele və Miroslav Kloze bu göstəricini təkrarlayıb.