İtaliyanın “Yuventus” klubu “Liverpul”dan ayrılan Əmrə Canın transferini rəsmən açıqlayıb.
Sportarena.az xəbər verir ki, türk əsilli almaniyalı futbolçu ilə 4 illik müqavilə imzalanıb. 2014-cü ildə “Bayer”dən 12 milyon avro qarşılığında “Liverpul”a keçən Əmrə Can 4 mövsüm idi İngiltərə Premyer Liqasında çıxış edirdi. Onun bu klubla müqaviləsinin müddəti başa çatdığından, “Yuventus”a havayı başa gəlib.
İtaliya çempionu Əmrəyə ilk iki mövsümündə ümumilikdə 16 milyon avro maaş verəcək.