Dünən Avstriyada təlim-məşq toplanışına start verən “Qarabağ” ilk günü iki məşqlə keçirib.
Sportarena.az xəbər verir ki, Ağdam təmsilçisi axşam məşqinə Bakı vaxtı ilə 20:30-da çıxıb. Hazırlıq təxminən 1 saat davam edib. Futbolçular isinmə hərəkətlərinin ardından fiziki tapşırıqları yerinə yetiriblər. Hazırlıq toplu çalışmalarla başa çatıb.
Qeyd edək ki, Azərbaycan çempionu Çempionlar Liqasının 1-ci təsnifat mərhələsində - iyulun 11-də və 18-də “Olimpiya” ilə qarşılaşacaq.