Kriştiano Ronaldonu “Yuventus”a satan “Real” daha bir futbolçusunu İtaliyaya göndərə bilər.
Sportarena.az İtaliya mətbuatına istinadən xəbər verir ki, “Napoli” “kral klubu”nun hücumçusu Kərim Benzemanın transferi üçün hərəkətə keçib. Əvvəllər “Real”ın “sükanı arxasında” çalışmış, indi isə “Napoli”nin baş məşqçisi vəzifəsini icra edən Karlo Ançelotti fransalı futbolçuya zəng edərək, onunla ilkin danışıqlara başlayıb. “Real”ın bu transfer məsələsinə necə münasibət göstərəcəyi maraqla gözlənilir.
Benzema “Real”ın heyətində 2009-cu ildən çıxış edir. O, “kral klubu”nun üzvü kimi çıxdığı 276 oyunda 127 qol vurub.