Çempionlar Liqasının II təsnifat mərhələsinin cavab matçı çərçivəsində "Qarabağ”ın qonağı olacaq Albaniyanın "Kukesi” klubunun Bakıya səfər proqramı açıqlanıb.
Sportarena.az xəbər verir ki, albanlar bu gün Bakı vaxtı ilə saat 23.00-da yola düşəcək "Kukesi” Tirana-İstanbul-Bakı marşrutu ilə Azərbaycana yola düşəcək. Komanda üzvləri paytaxtdakı dəbdəbəli otellərdən birində məskunlaşacaq. "Kukesi" avqustun 2-də Bakını tərk edəcək.
Qeyd edək ki, avqustun 1-də Tofiq Bəhramov adına Respublika stadionunda keçiriləcək matç saat 21:00-da başlayacaq. İlk görüş qolsuz heç-heçə ilə nəticələnib.