“Sabah” heyətini yeni futbolçu ilə gücləndirib.
Sportarena.az xəbər verir ki, paytaxt klubu ukraynalı hücumçu Marko Deviçi transfer edib. Onunla 2 illik müqavilə bağlanıb.
Deviç 1983-cü il oktyabrın 27-də Serbiyanın paytaxtı Belqradda doğulub. O, karyerası ərzində Serbiyanın “Zvezdara” (2000-2002), “Jeleznik” (2002-2003), “Radniçki” (2003-2004), “Vojdovaç” (2004), Ukraynanın “Volın” (2005-2006), “Metallist” (2006-2012, 2013-2014), “Şaxtyor” (2012-2013), Rusiyanın “Rubin” (2014-2016), “Rostov” (2017) və Qətərin “Əl Rayyan” (2015) komandalarının şərəfini qoruyub. Hücumçunun son klubu İsveçrə çempionatında mübarizə aparan Lixtenşteyn “Vaduts”u olub.
Deviç 2008-2014-cü illər aralığında Ukrayna millisinin şərəfini qoruyub. O, yığmada keçirdiyi 35 oyunda 7 qola imza atıb.
“Sabah”ın yeni transferi bu komandada 9 nömrəli formada çıxış edəcək.