Yüngül atletika karyerasını başa vuran olimpiya çempionu, məşhur sprinter Useyn Bolt Avstraliyanın "Sentral Kost Mariners" futbol klubu ilə müqavilə imzalayıb.
Sportarena.az xəbər verir ki, bu barədə klubun rəsmi "Tvitter" səhifəsi məlumat yayıb. Bu, peşəkar futbolçu müqaviləsi olmayacaq. Ancaq Bolt əsas komanda ilə peşəkar səviyyədə futbol oynaya biləcək.
Sabiq atlet müqavilə imzaladıqdan sonra fikirlərini bildirib:
"Avstraliyaya gəldiyim üçün xoşbəxtəm. Mənə bu fürsəti verən klubun sahibi və rəhbərliyə təşəkkür edirəm. Peşəkar futbol oynamaq mənim arzum idi. A liqasında oynamaq yaxşı təcrübə olacaq".