“Sabah”ın baş məşqçisi Elşad Əhmədov Topaz Premyer Liqasının ilk turu çərçivəsində “Keşlə”yə qarşı keçirdikləri səfər oyununu şərh edib.
Sportarena.az xəbər verir ki, o, 1:0 hesabıyla qalib gəldikləri oyundan sonra bunları söyləyib:
“İlk oyunda uşaqlarda həyəcan var idi. Buna baxmayaraq, qələbə qazandıq. Qalibiyətimizi prezidentimizin övladına həsr edirik. Onun ad günü idi".
Əhmədov əcnəbi hücumçu transfer etməyəcəklərini deyib:
"Yeni komanda olduğumuz üçün yerli futbolçular bizə həvəslə gəlmədilər. 6 legioner almışıq, əcnəbi transfer düşünmürük".
Mütəxəssis hədəfləri barədə danışıb:
"Yeni komandayıq. Amma üst pillələrdə yer almaq istəyirik".