Futbol üzrə Hollandiya 1-ci divizionunda yeni mövsümə start verilib.
Sportarena.az xəbər verir ki, Azərbaycanın gənclərdən ibarət yığmasının üzvü Ziya Əzizovun formasını geyindiyi “Den Boş” komandası da 2018/19 mövsümündə ilk matçına çıxıb.
Sözügedən kollektiv səfərdə “Volendam”la qarşılaşıb. Futbolçumuzun komandası bu oyundan qələbə ilə ayrılıb – 2:1.
Ziya bu görüşün iştirakçısı olmayıb. Onun adı matçın iştirak ərizəsinə də daxil edilməyib.