Azərbaycan millisinin futbolçusu Ramil Şeydayev "Krılya Sovetov"da debüt edib.
Sportarena.az xəbər verir ki, bu, Rusiya Premyer Liqasının 4-cü turunda “Lokomotiv”ə qarşı oyunun (0:1) 81-ci dəqiqəsində meydana çıxmaqla reallaşıb. Matçdan sonra keçirilən mətbuat konfransında Samara klubunun baş məşqçisi Andrey Tixonov həmyerlimiz haqda da danışıb:
"Şeydayev hələ hazır deyil. O, daha da inkişaf etməli və formasını yaxşılaşdırmaq üçün çalışmalıdı”.
Qeyd edək ki, Şeydayev “Krılya Sovetov”la bir neçə gün öncə 1 illik müqavilə imzalayıb.