Futbol üzrə Hollandiya 1-ci divizionunda 2-ci turun oyunları keçirilib.
Sportarena.az xəbər verir ki, Azərbaycanın gənclərdən ibarət yığmasının üzvü Ziya Əzizovun formasını geyindiyi “Den Boş” da növbəti matçına çıxıb. Sözügedən kollektiv doğma meydanda “Valveyk”lə qarşılaşıb. Futbolçumuzun komandası bu oyundan məğlubiyyətlə ayrılıb – 2:5.
Ziya bu görüşün iştirakçısı olmayıb. Onun adı matçın iştirak ərizəsinə də daxil edilməyib.
“Den Boş” 2 turdan sonra 3 xalla 20 kollektiv arasında 9-cu pillədə qərarlaşıb.