İngiltərənin "Huddersfield Taun" klubunun futbolçusu Juninyo Bakuno "Stok Siti" ilə Liqa Kuboku matçında qeyri-adi avtoqola imza atıb.
Sportarena.az xəbər verir ki, hollandiyalı yarımmüdafiəçi meydanın mərkəzindən topu öz qapısına göndərib. Həmin epizodadək "Stok Siti" 1:0 hesabı ilə öndə olub. Mərkəz dairəsi yaxınlığında olan Bakuno rəqibin hava ilə ötürməsinin qarşısını kəsmək istəyib. Lakin onun zərbəsi birbaşa öz qapısına tərəf istiqamətlənib.
Qeyd edək ki, görüş "Stok Siti"nin 2:0 hesablı qələbəsi ilə yekunlaşıb.