Latviya I Liqasında 16-cı turun oyunları keçirilib.
Sportarena.az xəbər verir ki, azərbaycanlı futbolçu Vüqar Əsgərovun formasını geyindiyi “Dauqavpils” doğma meydanda “Prielu” ilə qarşılaşıb və bu oyundan qələbə ilə ayrılıb - 15:0. Vüqar start heyətdə meydana çıxıb və fasilədə əvəzlənib.
Həm komandasının, həm də bütövlükdə çempionatın bombardiri olan Əsgərov bu oyunda da fərqlənməyi bacarıb. O, matçın 27-ci dəqiqəsində rəqib qapısına yol tapıb. Nəticədə, millimizin sabiq forvardı cari mövsümdə vurduğu qolların sayını 23-ə çatdırıb.
“Dauqavpils” 16 turdan sonra 40 xalla 12 kollektiv arasında ikinci pillədə qərarlaşıb.