"Qarabağ"ın Avropa Liqasının qrup mərhələsinin ilk turunda səfərdə "Sportinq"lə keçirəcəyi oyuna təyinatlar açıqlanıb.
Sportarena.az xəbər verir ki, görüşü fransalı hakimlər briqadası idarə edəcək. Matçın baş hakimi Fransua Lötexsye, yan xətt hakimləri isə Kirill Mönye və Mehdi Rohmani olacaq.
Əlavə köməkçi hakimlər funksiyasını Frank Şneyder və Kərim Abed yerinə yetirəcək. Matçın 4-cü hakimi isə Conau Bertrandır.
Qeyd edək ki, sentyabrın 20-də Lissabonda keçiriləcək qarşılaşma Bakı vaxtı ilə 23:00-da başlayacaq.