UFC versiyası üzrə yüngül çəkidə Konor Makqreqoru məğlub edərək dünya çempionu olan Həbib Nurməhəmmədov heyranı olduğu futbolçunun adını açıqlayıb.
Sportarena.az xəbər verir ki, H.Nurməhəmmədov son müsahibəsində Salahdan ağız dolusu danışıb.
Bu da Həbibin M.Salah barədə dedikləri: "Məhəmməd Salaha heyranam, ancaq hələ özü ilə şəxsi tanışlığım yoxdur. Amma onu yaxından izləyirəm. Çox yaxşı bir futbolçudur. Bizim mədəniyyətimizi, əxlaqımızı dünyaya çatdırmaq üçün onun kimi bir çox insana ehtiyacımız var. Sıfırdan bugünlərə gəldi, çünki hər zaman disiplinli və əxlaqlıydı. Allah bizim yanımızda, mən belə hiss edirəm. Yeni nəslin Məhəmməd Salahdan öyrənəcəyi çox şey var. O, gerçək bir ideal. Ona heyranam".
