Qadın voleybolçulardan ibarət Azərbaycan millisinin üzvü Ayşən Abduləzimova Macarıstanda növbəti oyununu keçirib.
Sportarena.az xəbər verir ki, blokçumuzun şərəfini qoruduğu "Vasas Obuda" bu dəfə Macarıstan kuboku uğrunda yarışıb. Təcrübəli voleybolçumuzun komandası 1/8 final mərhələsində "TFSE" klubu ilə cavab qarşılaşmasına çıxıb. Doğma meydanda baş tutan görüş Ayşən və rəfiqələri üçün uğurlu alınıb. 3 hissə davam edən matçda meydan sahibləri quru hesablı qələbəyə seviniblər - 3:0 (25:10, 25:12, 25:8). Bununla da, "Vasas" Macarıstan kubokunun 1/4 finalına vəsiqə qazazıb.
Komandasının çətinlik çəkmədən mərhələ adladığı bu görüşdə yığmamızın üzvü 13 xal qazanmaqla qarşılaşmanın ən məhsuldar oyunçusu olub.