"Real Madrid"in baş məşqçi səlahiyyətlərini müvəqqəti yerinə yetirən Santiaqo Solari mövsümün sonuna qədər klubda qalacaq.
Sportarena.az xəbər verir ki, "kral klubu" bu mövsümün sonuna kimi Solarinin komandanın baş məşqçisi olmasına qərar verib. "Real" rəhbərliyinin onun işindən razı qaldığı bildirilib.İspaniya çempionatının reqlamentinə əsasən, baş məşqçi səlahiyyətlərin müvəqqəti yerin yetirən şəxs ən azı 15 gün komandanı çalışdıra bilər. Bu səbəbdən "Real"ın noyabrın 11-ə kimi Solari ilə rəsmi müqavilə imzalayacağı gözlənilir.
Qeyd edək ki, "Real Madrid" oktyabrın 30-u baş məşqçisi Yulen Lopeteqini istefaya göndərib.