Bu gün və sabah U-15 Liqasında 12-ci turun oyunları keçiriləcək.
Sportarena.az xəbər verir ki, turun mərkəzi oyunu “ASK Arena”nın 4-cü meydanında baş tutacaq. Belə ki, “Keşlə” liderlər qrupunda yer alan “Qəbələ”ni qəbul edəcək. Bu tura kimi məğlub olmayan və qapısında cəmi 1 top görən “Qəbələ” oyunun favoriti sayılsa da, iddialı “Keşlə”nin də qalib gələcəyi gözləniləndi.
12-ci turun təqvimi belədir:
12-ci tur
15 dekabr (şənbə)
14:00 «Keşlə» - «Qəbələ» («ASK Arena», 4-cü meydan)
15:30 «Neftçi» - «Neftçi» İK İB (Binə qəsəbə stadionu)
15:30 «Sabah» - İsgəndər Cavadov BFA («Neftçi Baza»)
17:00 «Səbail» - «Xilə» («Bayıl Arena»)
16 dekabr (bazar)
14:00 «Sumqayıt» - «Mil-Muğan» (Sumqayıt, «Kapitalbank Arena»)
14:00 Gəncə TİM – «Zaqatala» (Gəncə TİM-nin meydanı)
15:30 «Qarabağ» - «Zirə» («Sərhədçi» OİK-nin meydanı)
Cəza səbəbindən turu 2 futbolçu buraxacaq: Uğur Abbasov (İsgəndər Cavadov BFA), Şahmar Aşurov (“Sabah”).
Bombardirlər: Şahmar Aşurov (“Sabah”), Oruc Məmmədov (“Neftçi”) – 23 qol.
“Het-trik news” qəzeti
