Antalyada təlim-məşq toplanışını davam etdirən "Qarabağ" bu gün ilk yoxlama oyununu keçirib.
Sportarena.az xəbər verir ki, Ağdam təmsilçisi Macarıstanın "Uypeşt" klubu ilə qarşılaşıb. Görüş Bakı vaxtı ilə 18:00-da başlayıb.
Qeyd edək ki, Qurban Qurbanovun komandası "Uypeşt"lə oyundan başqa, daha 3 yoxlama oyununda qüvvəsini sınayacaq. Ağdamlılar yanvarın 19-u Çexiyanın "Bohemians", 23-ü Polşanın "Piast" və 26-sı Ukraynanın "Şaxtyor" (Donetsk) klublarıyla üz-üzə gələcək.
Yoxlama oyunu
16 yanvar
18:00. "Qarabağ" (Azərbaycan) - "Uypeşt" (Macarıstan) 0-1