Antalyada təlim-məşq toplanışında olan "Sumqayıt" bu gün son yoxlama oyunlarına çıxır.
Sportarena.az xəbər verir ki, "gənclik şəhəri" təmsilçisi bir gündə iki görüşdə qüvvəsini sınayır.Baş məşqçi Ayxan Abbasovun yetirmələri əvvəlcə Almaniya Regional Liqası təmsilçisi "Optik Ratenov"la qarşılaşıb. Hava şəraiti ilə əlaqədar görüşün ikinci hissəsi keçirilməyib və matç yarımçıq dayandırılıb. Bildirək ki, görüşün ilk yarısı Almaniya klubunun 1:0 hesablı qələbəsi ilə başa çatmışdı.
"Kimyaçılar" 16.30-da növbəti dəfə meydana ayaq basacaq. Budəfəki rəqib Serbiya "Zemun”u olacaq.
Yoxlama oyunu
26 yanvar
12.00 Sumqayıt (Azərbaycan) - Optik Ratenov (Almaniya) 0:1 (Yarımçıq dayandırıldı)
Sumqayıt: 1. Mehdi Cənnətov, 4. Peyman Keşavarz, 6. Səbuhi Abdullazadə, 9. Ehtiram Şahverdiyev, 17. Nicat Qurbanov, 18. Süleyman Əhmədov, 44. Valeh Seyidov, 60. Elvin Məmmədov, 70. Ülvi İsgəndərov, 77. Murad Xaçayev, 90. Elvin Bədəlov.
Lara. "Fanatic" stadionu.
16.50 Sumqayıt (Azərbaycan) - Zemun (Serbiya) 2-1
Lara. "Fanatic" stadionu.