"Sumqayıt" Antalya təlim-məşq toplanışını başa vuraraq vətənə qayıdıb.
Sportarena.az xəbər verir ki, komanda yanvarın 29-dan etibarən XV turda baş tutacaq "Qəbələ" ilə oyunun hazırlıqlarına start verəcək. Matç fevralın 3-də baş tutacaq. "Kimyaçılar" bu qarşılaşmayadək daha bir transfer edə bilər. Son məlumata görə, "gənclik şəhəri" təmsilçisi Hollandiyanın ikinci liqasında çıxış edən Ziya Nəsirovu icarəyə götürmək istəyir.
Bu mövsümdən "NEC Neymegen"in formasını geyinən gənclər yığmamızın üzvü "Sumqayıt"a gəlməyə razıdır. Hazırda klublar arasında danışıqlar gedir. (sportinfo)