UEFA AÇ-2020-nin talismanını təqdim edib.
Sportarena.az xəbər verir ki, Avropa çempionatının maskotu “Skilzi” adlanır. Yeni talisman futbol fristaylçısı keyfiyyətlərinə malikdir. Amsterdam şəhərində keçirilən Hollandiya – Almaniya matçından öncə təşkil olunan təqdimat mərasimində fristayl ustaları, yəni top çiləmək üzrə ixtisaslaşan Liv Kuk və Tobias Beks iştirak ediblər. Onlar "Skilzi" ilə birlikdə müxtəlif tryuklar göstəriblər.
Qeyd edək ki, AÇ-2020-nin final mərhələsinin oyunları Avropanın 12 şəhərində keçiriləcək. Turnirin 4 matçı Bakıda olacaq.