Bu həftə Topaz Premyer Liqasında 24-cü turun oyunları keçiriləcək.
Sportarena.az xəbər verir ki, “Qəbələ” səfərdə “Keşlə” ilə görüşəcək. Aprelin 14-də oynanılacaq matç “ASK Arena” stadionunda olacaq. Bu görüş iki komanda arasında 49-cu qarşılaşma olacaq.
İndiyədək “Qəbələ” və “Keşlə” ümumilikdə 48 görüşdə üz-üzə gəlib. “Qırmızı-qaralar” 15, Bakı klubu 16 qələbə qazanıbsa, 17 oyunda heç-heçə qeydə alınıb. Top fərqində paytaxt təmsilçisi üstündür – 60:50. Bu qarşılaşmalarda 5 qol vuran Daniel Subotiç “Qəbələ”nin ən məhsuldar oyunçusudur.
Oynanlan 48 matçdan 5-i kubok, 43-ü çempionat çərçivəsində keçirilib. Bu görüşlərdə 12 qələbəsi olan komanda 17 dəfə bir xalla kifayətlənib. 14 qarşılaşmada isə “Keşlə” üç xala sevinib. Premyer Liqada 43 qol vuran komanda 53 top buraxıb.