Türkiyə Superliqasının 28-ci turunda keçirilən “Fənərbaxça” – “Qalatasaray” oyunundan öncə gərginlik yaşanıb.
Sportarena.az xəbər verir ki, matçdan əvvəl meydana girən “sarı-qırmızılar”ın məşqçisi Hasan Şaşa tribunadan ayaqqabı və su şüşəsi atılıb. Meydan sahiblərinin azarkeşləri onun tribunalara tərəf baxmasından sonra daha da əsəbiləşiblər.Bunu görən “Fənərbaxça”nın qapıçısı Volkan Dəmirəl meydana girərək Hasan Şaşın soyunub-geyinmə otağına yollanmasını tələb edib.
Nəticədə onlar arasında gərginlik yaşanıb. Daha sonra digər futbolçular aranı sakitləşdirib.
