Azərbaycan Premyer Liqasının 26-cı turunda "Qəbələ"ni 2:1 hesabı ilə məğlub edən "Səbail" ciddi itkiylə üzləşib.
Sportarena.az xəbər verir ki, matçın 29-cu dəqiqəsində zədələnən ukraynalı qapıçı Aleksandr Rıbkanın vəziyyəti yaxşı deyil. Dizindən zədə alan qapıçının mövsümün son iki turunda meydana çıxmayacağı bəlli olub. Onun son durumuna sabah tibbi müayinədən keçdikdən sonra aydınlıq gələcək.
Qış fasiləsində "Səbail"ə keçən 32 yaşlı əlcək sahibi Premyer Liqada 11 oyunda meydanda çıxıb.