Çexiya Gənclər Liqasının pley-off mərhələsində V turun oyunları keçirilir.
Sportarena.az xəbər verir ki, gənclər millimizin üzvü Fərid Nəbiyevin çıxış etdiyi "Slaviya”nın U-21 komandası səfərdə "Karvina” ilə qarşılaşıb. Görüş "Slaviya”nın 3:2 hesablı qələbəsi ilə yekunlaşıb.
Oyuna start heyətində başlayan Fərid 90 dəqiqə meydanda olub. Futbolçumuz 2 qolla komandasına qələbə qazandırıb.
Qeyd edək ki, 5 oyundan sonra aktivində 10 xal olan "Slaviya” turnir cədvəlinin 2-ci pilləsində qərarlaşıb.