AFFA-nın böyük ümidlərlə milli komandaya cəlb etdiyi Renat Dadaşov millimizdə oynamaqdan imtina edib.
Sportarena.az xəbər verir ki, Portuqaliyanın "Eştroil” klubunda çıxış edən Dadaşov U-21-də oynamaq istəməyib. Futbolçu məhz bu səbəbdən Milan Obradoviçin Sloveniyada keçirəcəyi təlim-məşq toplanışına qatılmayıb.
Renatı millimizdə oynamaqda razı salmaqdan ötrü 1 milyon avro ödəyən və futbolçuya Bakının mərkəzində mənzil hədiyyə edən AFFA rəsmiləri biabırçılığı ört-basdır etməyə çalışıb. Elə bu səbəbdən də onun adı rəsmən açıqlanan siyahıda yazılmayıb.
Obradoviç özü isə Renatı sərəncamında görmək istəyirmiş. Dadaşov AFFA rəsmilərinə açıq şəkildə bildirib ki, bundan sonra onu U-21-ə görə narahat etməsinlər. Yalnız əsas millidən dəvət gələcəyi halda Renat AFFA-nın dəvətini qəbul edə biləcəyini bildirib. (Sport7.az)