"Bney Yehuda"nın kapitanı Dan Mori Avropa Liqasının üçüncü təsnifat mərhələsinin “Neftçi” ilə cavab qarşılaşması öncəsi İsrail mətbuatına danışıb.
Sportarena.az xəbər verir ki, təcrübəli futbolçu “Neftçi”yə qarşı cavab oyununun özləri üçün çox önəmli olduğunu bildirib:
"Baş məşqçimiz Yossi Abukasis bizimlə görüş keçirdi. O, bizə Bakıdakı oyunun ilk hissəsinin videosunu göstərdi. Bizdən xahiş elədi ki, oyun zamanı bir-birimizə yaxın oynayaq, konsentrasiyanı itirməyək. "Neftçi" ilə görüş bizim üçün vacib oyundur. Əgər ağıllı oynasaq, Azərbaycan komandası keçə bilərik".