Rusiyanın qarışıq döyüş sənəti üzrə məşhur idmançısı, MMA çempionu Həbib Nurməhəmmədov növbəti döyüşünü amerikalı Dastin Puaryeyə qarşı keçirəcək.
Sportarena.az xəbər verir ki, rəqiblərin döyüşü sentyabrın 7-də Əbu-Dabidəki UFC turnirində baş tutacaq.Rusiya mətbuatının yaydığı məlumata görə, Həbib rəqibinə qalib gələcəyi halda 6 milyon dollardan çox qonorar alacaq. Bu barədə idmançının atası Əbdülmanap Nurməhəmmədov açıqlama verib. O, oğlunun qələbəyə görə Makqreqorla döyüşdən fərqli olaraq, 3-3,5 dəfə artıq qonorar alacağını bildirib.
Qeyd edək ki, Həbib indiyədək 27 görüşün hamısını qələbə ilə başa vurub. Onun rəqibi Dastin Puarye isə 25 döyüşün 5-də məğlub olub.