Mirça Luçesku Ramil Şeydayevin baş məşqçisi ola bilər

10:48 8 Oktyabr 2019

Mirça Luçesku Moskva "Dinamo"sunun baş məşqçisi təyin oluna bilər. 

 

Sportarena.az xəbər verir ki, bu barədə "Sport24"ə rumın mütəxəssisin agenti Arkadi Zaporjan məlumat verib.Menecer "Dinamo" rəsmiləri ilə danışıqlar apardıqlarını bildirib: "Hələ Luçeskuya müqavilə təklif olunmayıb. O, Moskvaya gəlməyi planlaşdırır, amma səfərin nə zaman gerçəkləşəcəyini deyə bilmərəm. Bu variant real görünür. İstərdim ki, komandaya o rəhbərlik etsin. Hələlik məsələnin nə zaman həllini tapacağını deyə bilmərəm". 

 

Qeyd edək ki, ötən həftəsonu Rusiya Premyer Liqasının XII turunda "Orenburq"a 0:2 hesablı səfər məğlubiyyətindən sonra "Dinamo"nun baş məşqçisi Dmitri Xoxlov istefaya göndərilib. Moskva klubunda millimizin üzvü Ramil Şeydayev çıxış edir.


Xəbər xətti