2024-cü il Olimpiya Oyunlarının Təşkilat Komitəsi yeni loqotipini təqdim edib. Loqotip özündə medal, Olimpiya alovu və bir qadın obrazını – ölkənin rəsmi simvolu olan Mariannanı cəmləşdirir.
Sportarena.az xəbər verir ki, bu barədə Təşkilat Komitəsinin Tvitter hesabında məlumat verilib. “Medal, od, Marianna. Bu, 2024-cü ildə Parisdə keçiriləcək Olimpiya və Paralimpiya oyunlarının yeni simasıdır”, - məlumatda deyilir.
Loqotip ağ rəngli alovun təsvir edildiyi yuvarlaq bir qızıl medaldır. Onun üzərində qızıl saçlı bir qadının təsvirini də görmək mümkündür.
